Pidato Bahasa Jawa
06.14
Sesorah
Perpisahan
Assalamu`alaikum
wr.wb
Dumateng ngarsanipun bapak kepala
sekolah, Bapak/Ibu guru saha wali murid ingkang kinurmatan, ugi para rencang
utawi siswa ingkang kaula tresnani. Sumonggo kita sesarengan ngaturaken puji
syukur dumateng gusti ingkang maha agung ingkang sampun paringaken rahmad,
taufiq serta hidayahipun dumateng kaula ugi panjenengan sami saged sesarengan
pepanggihan ing wekdal/papan puniko kangge ngawontenake perpisahan.
Wonten mriki kaula
piniji wakil murid kelas IX ingkang kadawuhan wekdal nganturaken raos kula ing
adicara perpisahan punika. Ing wekdal punika kaula sakrencang kelas IX sami
reno amargi usaha kito nggayuh ilmu sampun kasil ingkang sae lan meremaken, kasil ingkang
maremaken punika boten ical saking panggulowentahipun Bapak/Ibu Guru ing
pawiyatan punika. Pramila kula sakrencang kelas IX ngaturaken agungin panuwun
tanpa upami dumateng Bapak/Ibu Guru ingkang sampun nggulawentah lan paring
seserepan agenipun ngayuh ilmu ing pawiyatan punika, mugi-mugi ilmu ingkang
Bapak/ibu Guru parengaken mbekto manfaat dunia akhirat.
Kulo sakrencang
namung saged dedonga dumateng Gusti Ingkang Maha Agung mugi-mugi sedaya amal
kesaean Bapak/ibu Guru pikantuk piwales ingkang langkung ugi tansah pinaringan
kesarasan lan kawilujengan saenggo saged paring piwucal adhik-adhik kelas kanti
kasil ingkang sae.
Bapak/Ibu Guru
sedoyo, tugas kito ngayuh ilmu ing pawiyatan punika sampun paripurna, saengga
mboten dangu malih kula sakrencang nilar pawiyatan punika, prayoginipun kito
mboten awrat nilar Bapak/Ibu Guru ugi pawiyatan punika, nanging kawontenan
kedah punika, saenggo ing wekdal punika kula sak rencang nyuwun pamit lan
nyuwun donga pangestu mugi-mugi kula sakrencang saged ngajengaken ngangsu kaweruh
ing pawiyatan luwih inggil ugi saged kadumugen menopo ingkang dipun gayuh,
amin.
Semanten atur
saking kula menawi wonten klenta-klentunipun atur kula, kulo pribadi nyuwun
angngung samudra pangangsami.
Wabillahi
taufiqwallidayah, wassalamu`alaikum wr.wb.
Yuni
Ratna
0 comments